. . . . . VAL . . . . Amigos do Medioambiente

Despliegue ecoloxista na rua Pio XII

Centos de persoas firman e expresan o seu apoyo polo dereito a un vida mais saudable nun pobo mais fermoso.

.

.

.

Con humor o CRISTO firma un SI a posta en marcha de medidas para correxir a destruccion e a peste dos nosos fogares....

.

entre brincos a ....

.

ritmo de charanga...

.

no teatro da vida...

.

GRACIAS A TODOS, MOITO MOITO MILLOR PARA TODOS¡¡¡¡¡

Verdegaia e a Asociación VAL-Amigos do Medioambiente colocarán un stand informativo na Praza do Concello do Porriño (ou Pio XII) o vindeiro sábado 27 a partires das seis da tarde para divulgar os interesantísimos valores naturais e a enorme cantidade de desfeitas que padece o L.I.C. das Gándaras de Budiño e Ribeiras do Louro.

Entre os valores naturais que alberga o L.I.C. das Gándaras de budiño e Ribeiras do Louro están Hábitats prioritarios segundo a Directiva hábitats como as turbeiras, os bosques de ribeira (aquí atopamos o máis extenso de Galicia), Hábitats de interese comunitaria como as breixeiras húmidas, varias especies moi ameazadas e cunha área de distribución moi restrinxida en Galicia como o sapoconcho común (Emys orbicularis), ou parrulos como o charneco común (Anas crecca) que atopa nas Ribeiras do Louro o seu único punto de cría regular na Península Ibérica. Ademais, as Ribeiras do Louro constitúen unha das tres zonas húmidas interiores máis interesantes de Galicia.

No tocante ás desfeitas que padece este espazo natural salienta a contaminación do río Louro malia que existe unha E.D.A.R. construída xa en 2006 para atallar este problema e que aínda está sen funcionar polo desleixo de diferentes administracións: Consellaría de medio Ambiente e Desenvolvemento Sostible, Confederación hidrográfica do Norte, e Concellos do Porriño, Salceda de Caselas e Tui. Outros problemas ambientais son a perda de superficie protexida do L.I.C., a falla da posta en marcha do Proxecto de restauración, conservación e uso público deste espazo natural aprobado en 2007 polo Ministerio de Medio Ambiente, o estado ruinoso do Centro de Interpretación da Natureza que custou perto de oitenta milóns de euros, o lixo que aparece espallado polo lugar e as agresións que se suceden de xeito impune e repetido.

Centro de interpretacion ambiental das Gandaras en situacion de abandono

Ademais, no trascurso deste acto dará comezo unha campaña de recollida de sinaturas para esixir a axeitada protección do L.I.C. “Gándaras de Budiño e Ribeiras do Louro”. Dende Verdegaia e V.A.L. esiximos a protección do L.I.C. das Gándaras de Budiño e Ribeiras do Louro mediante o estricto cumprimento da lexislación vixente. Así mesmo, esiximos a inmediata posta en funcionamento da depuradora de Guillarei, a recuperación da superficie incluída na Rede Natura até un mínimo de 872 hectares, a licitación do Proxecto de restauración, conservación e uso público deste espazo natural aprobado en 2007 polo Ministerio de Medio Ambiente e o equipamento e apertura do Centro de Interpretación da Natureza de Orbenlle.

Nesta campaña de outono estamos a organizar unha limpeza nun río do Val da Louriña para o sábado 4 de outubro. Para esta xornada Porxecto Ríos editou un protocolo de limpeza de ríos para unificar criterios á hora de abordar a limpeza. Un dos problemas máis salientables que sofren os nosos ríos é a gran cantidade de lixo que aparece nos cauces e ribeiras. Dende o Proxecto Ríos e VAL, Amigos do Medioambiente queremos concienciar á sociedade da necesidade de manter limpos os nosos ríos como premisa para a conservación da súa saúde. A limpeza non pasa só por unha actividade illada dun día de retirada de lixo. Para a conservación dos ecosistemas fluviais cómpre desenvolver actitudes e comportamentos responsábeis cara medio natural e depende de todos/as frear a contaminación que están a sufrir os ríos.

O Proxecto Ríos entregará aos grupos participantes un protocolo para difundir a limpeza ecolóxica e respectuosa dos ecosistemas fluviais, ademais de editar cartaces divulgativos para cada zona cun teléfono de contacto para que se apunten as persoas que queiran participar. Nesta xornada a implicación dos concellos é fundamental para garantir a recollida do lixo que se saque dos ríos, para proporcionar o material necesario para a limpeza e para asegurar aos voluntarios/as participantes.

As actividades desenvolveranse en 22 concellos simultaneamente. En cada un deles haberá unha persoa ou entidade responsábel.

Para anotarvos podedelo facer atraves da nosa web ou no teléfono 658943491 Paula Domínguez (Coordinadora VAL) , tamén se estades interesados en participar podedes contactar con Paco Bañobre, coordinador de grupos do Proxecto Ríos (teléfono: 981.57.00.00; pacobanhobre@adega.info).

Sen maís esperamos contar co voso apoio para conseguir unha terra maís limpa e sostibel.